"MƏİŞƏT ZORAKILIĞININ QARŞISININ ALINMASI HAQQINDA" QANUNUN KOMMENTARİYASI NƏŞR OLUNUB
Azərbaycan Hüquqşünasları Konfederasiyası, Ailə, Qadın və Uşaq Problemləri üzrə Dövlət Komitəsi, Avrasiya Hüquqşünaslar Assosiasiyasının birgə əməkdaşlığı nəticəsində hazırlanmış 132 səhifəlik kommentariyanın müəllifi Konstitusiya Məhkəməsinin hakimi Ceyhun Qaracayevdir.
Kitabda "məişət zorakılığı" termininin anlayışı, məişət zorakılığı ilə mübarizə sahəsində beynəlxalq normativ aktların xüsusiyyəti, habelə xarici ölkələrin və Azərbaycan təcrübəsinin təhlili ilə yanaşı, "Məişət zorakılığının qarşısının alınması haqqında" qanunun maddələrinə dair kommentariya verilib.
Kitab 4000 tirajla azərbaycanca nəşr olunaraq bütün hüquq-mühafizə orqanları akademiyalarında və hakimlər, vəkillər, prokurorlar arasında qanunun düzgün qavranaraq tətbiqi məqsədi ilə yayılacaq.
Kitabın elmi redaktoru hüquq üzrə fəlsəfə doktoru, MM Hüquq siyasəti və dövlət quruculuğu komitəsinin sədri, Azərbaycan Hüquqşünasları Konfederasiyasının sədri Əli Hüseynli, rəyçilər - siyasi elmlər doktoru, Ailə, Qadın və Uşaq Problemləri üzrə Dövlət Komitəsinin sədri Hicran Hüseynova, hüquq elmləri doktoru, MM Dövlət quruculuğu üzrə qanunvericilik şöbəsinin müdiri Lətif Hüseynov, hüquq üzrə fəlsəfə doktoru, AMEA İnsan Hüquqları Elmi Tədqiqat İnstitutunun Vətəndaş və siyasi hüquqlar şöbəsinin müdiri, Azərbaycan Hüquqşünasları Konfederasiyasının baş katibi Nadir Adilovdur.
http://www.ayna.az/2011-12-10/Cemiyyetden_aileye/7849-
XIX əsrin sonu - XX əsrin əvvəllərində Azərbaycanda qadınların ictimai fəallığının gözəl nümunələri mövcuddur. Azərbaycanda qadın fəallığı, öz yolunu maarifçilik və xeyriyyəçilik ideyalarının yayılmasından başlayaraq, əlbəttə, hər bir ölkədə mədəni, dini, milli ənənələrlə formalaşdırılan spesifik cizgilərinə malik idi. Toplanmış informasiya, şübhəsiz, qadın və gender problemləri sahəsində işləyən müəllimlər, tarixçilər və tədqiqatçılar üçün yardımçı material olacaq. Onlar bu nadir sənədlərdən tarixi istinadlar, vizual və şifahi şəhadət şəklində istifadə etmək imkanı əldə edəcəklər.
Azərbaycan Prezidenti İ.Əliyevin təşəbbüsü ilə 2006-cı il fevralın 6-da Ailə, Qadın və Uşaq problemləri üzrə Dövlət Komitəsi yaradılmışdır. Dövlət Komitəsinin sədri Bakı Dövlət Universitetinin professoru, siyasət elmləri doktoru Hicran Hüseynovadır.
